KOREAN word of the week: “Jaljayo” – sa Ingles ito’y nangangahulugan ng “Goodnight” o “Sleep well” at sa Tagalog naman ay, “Matulog nang mahimbing.”
* * *
Bibida ang Korean heartthrob na si Jang Dong Yoon sa upcoming military drama na “Search” kung saan makakasama niya ang f(x) member at aktres na si Krystal Jung.
Tungkol ito sa isang grupo na ginagawa ang lahat upang mabuhay at makatakas sa demilitarized zone na puno ng mga monstrous creatures.
Ipakikita rin sa dramang ito ang matibay na pagsasamahan ng grupo na kanila ring sandata upang sama-samang makalabas nang buhay sa mapanganib na lugar.
Gagampanan ni Krystal ang karakter ni Son Ye Rim, isang elite army officer na may lihim tungkol sa kanyang kapanganakan. Siya ay isang operations officer sa chemical, biological at radiological warfare unit.
Gagampanan naman ni Jang Dong Yoon ang karakter ni Goo Dong Jin, isang military dog handler.
Nagsimula silang makakita ng mga di maipaliwanag na nilalang nang makawala ang kanyang hina-handle na military dog habang nasa duty.
Napanood si Krystal sa mga dramang My Lovely Girl (2014), Prison Playbook (2017) at Player( (2018). Maliban naman sa Tale of Nokdu, napanood din si Jang Dong Yoon sa School 2017 (2017), at A Poem a Day (2018).