“SOBRANG personal!” Ito ang nagkakasundong pahayag nina Christian Bautista, Aicelle Santos at Mark Bautista patungkol sa kanilang Valentine show.
Ang concert ng tatlong Kapuso stars na “1 For 3” sa The Theatre At Solaire ang siyangbmagbubukas ng Valentine month sa darating na Feb. 1.
Kuwento ni Christian sa presscon ng “1 For 3”, espesyal ang project na ito para sa kanila nina Mark at Aicelle. Bukod kasi sa sila ang nag-produce nito, hindi rin sila naningil ng talent fee.
“Sobrang personal hindi na rin po kami nagpabayad dito,” sey ni Christian. Aniya pa, na-inspire sila na gumawa ng pre-Valentine concert matapos magkasama-sama sa ilang Kapuso ahows.
“We realized that GMA has given us so many shows together so might as well mag-concert na rin kami together,” sey pa niya.
Pahayag naman ni Aicelle, “I think it’s the perfect time. At ang saya lang ng collaboration namin na siguradong ma-eenjoy n’yong lahat.”
Chika ni Mark, “Nag-start ‘yan nung Studio 7 namin so we decided to do it.
“Since galing kami sa mga contests meron kaming gagawing ganoon. Nag-theater din kaming tatlo, so meron din kaming gagawing ganoon, at marami pang iba na hindi namin nagawa sa Studio 7 and All-Out Sundays,” dagdag ni Mark.
“Sakto kasi Valentine’s so we’re opening the Valentine’s season,” hirit pa ni Aicelle. Aniya pa, “Collaboration ng three journeys namin as three different artists. So there’s a bit of everything, maraming mata-touch sa buhay. There’s love, friendship, failures and triumphs in our lives.”
“There’s good music and we just saw the set kanina, the set is amazing, we want everything to have an experience they won’t forget,” pahabol ni Christian.
Mapapanood ang “1 For 3” sa Feb. 1 sa The Theatre (Solaire) under Musical Director Mel Villena and Stage Director Paolo Valenciano. For tickets, call the TicketWorld (+632) 8891.9999 or visit their website at ticketworld.com.ph.