KATHRYN BERNARDO AT DANIEL PADILLA
Maligayang-maligaya ang mga evacuees sa San Luis, Batangas nang bumisita roon sina Kathryn Bernardo at Daniel Padilla para mamahagi ng relief goods sa mga naapektuhan ng pagsabog ng Taal volcano.
Ibinalita ito ng nanay ni Daniel na si Karla Estrada sa kanyang Instagram account kung saan makikita ang isinagawang relief operation ng KathNiel.
Caption ni Karlaz “Hawak kamay tayo kasama ang kathniel at buong Team na kasama sa pag-Kawang gawa.”
Siyempre, nabuhayan ng loob at pansamantalang nakalimutan ng mga nasa evacuation center sa Bonliw, San Luis, Batangas ang takot at lungkot nang makita nila sina DJ at Kath.
Ilang netizens din ang nag-post sa social media ng mga litrato ng KathNiel habang namimigay ng tulong. Umani ng positibong mga komento ang ginawang pagtulong ng magka-loveteam na nagsilbi ring gamot sa kalungkutan ng mga Taal victims.