SUNOD-sunod na lindol ang naramdaman sa paligid ng Bulkang Taal ngayong araw.
Ayon sa Philippine Institute of Volcanology and Seismology ala-1 ng hapon ng maramdaman ang magnitude 2.5 lindol sa Mataas Na Kahoy, Batangas.
Nasundan ito ng magnitude 2.6 alas-1:33 ng hapon sa Talisay, Batangas. Sumunod ang magnitude 2.0 sa San Jose, Batangas at magnitude 2.2 sa Mataas Na Kahoy.
Sumunod ang magnitude 2.3 sa San Juan, Batangas, magnitude 3.3 alas-1:56 ng hapon at 3.3 sa Talisay alas-1:59 ng hapon.
Alas-2:13 ng hapon ng maramdaman ang magnitude 2.3 sa Talisay na sinundan alas-2:19 ng hapon sa San Juan na may lakas na magnitude 2.5.
Magnitude 2.6 naman sa Taal alas-4:24 ng hapon at magnitude 3.2 sa Tagaytay City, Cavite alas-5:10 ng hapon.
Ang mga lindol ay sanhi ng paggalaw ng lupa dahil sa aktibidad ng bulkang Taal.