Meralco
BABABA ang singil ng Manila Electric Company ngayong buwan.
Mula sa P9.8623 kada kiloWatt hour noong Disyembre ang singil ng Meralco ay bababa sa P9.4523/kwh.
Ang P0.41/kWh na pagbaba ay nangangahulugan ng P82 pagbaba sa kumokonsumo ng 200 kWh kada buwan.
Ang singil ngayong buwan ay mas mababa ng P0.3862/kWh sa presyo noong Enero 2019 na P9.8385/kWh.
Ang pagbaba ay bunsod ng mas murang generation charge na naitala sa P4.9039/kWh mula sa P5.1967. Malaking bahagi ng pagbaba ay mula sa presyo ng mga planta kung saan may Power Supply Agreements ang Meralco.
“Lower PSA charges were brought about by a reduction in capacity fees as a result of the annual reconciliation of outage allowances done at the end of each year under the PSAs approved by the Energy Regulatory Commission. The early completion of annual capacity payment for Sual Unit 1, Ilijan, Pagbilao Unit 1, and Panay Energy resulted in savings immediately passed on to consumers by way of lower electricity rates,” ani Meralco Public Information Office Head Joe Zaldarriaga.
Bumaba rin ang presyo ng kuryente mula sa Independent Power Producers ng P0.0634/kWh dahil sa paglakas ng piso kontra dolyar.
Tumaas naman ang singil sa Wholesale Electricity Spot Market ng P1.7031/ kWh dahil sa mataas na demand sa Luzon grid.
Bumaba rin ang transmission charge mula sa residential customers ng P0.0517/ kWh. Ang buwis at iba pang singil ay bumaba rin ng P0.0656/kWh.