P102M jackpot hindi nasungkit

WALANG tumama sa P102.9 milyong jackpot prize ng Ultra Lotto 6/58 sa bola Linggo ng gabi.

Ayon sa Philippine Charity Sweepstakes Office walang nakakuha sa winning number combination na 24-19-40-53-09-07.

Nanalo naman ng tig-P57,580 ang 17 mananaya na nakalimang numero.

Tig-P900 naman ang 870 mananaya na nakaapat na numero at balik ang P24 taya ng 15,775 mananaya na nakatatlong numero.

Ang premyo na mahigit P10,000 ay pinapatawan ng 20 porsyentong buwis alinsunod sa Tax Reform for Acceleration and Inclusion.

Posibleng umabot sa P106 milyon ang jackpot prize ng Ultra Lotto sa bola nito sa Martes. Binobola rin ito tuwing Biyernes.