ERWAN HEUSSAFF AT ANNE CURTIS
PINUSUAN at ni-like ng mahigit 1 milyong netizens ang bagong litrato ni Anne Curtis sa kanyang Instagram account.
Ito ‘yung maternity shoot ng Kapamilya TV host-actress kasama ang kanyang asawang si Erwan Heussaff. In fairness, agaw-eksena naman kasi talaga ang litrato ng magdyowa sa IG.
Makikita sa photo si Anne na nakahubad (nakapantalon lang at bukas ang zipper at kita ang side boob) at nakapatong kay Erwan (habang nakaupo) na wala ring saplot-pangtaas.
Nilagyan ito ng caption ni Anne ng, “2020 is going to be the best chapter of our love story Mon amour @erwan. I just know it. Happy New Year from The Heussaff’s everyone!
“P.S – yes, this includes; Dirty diapers, late nights, loud crying, hiccups, little giggles and little kisses…EVERYTHING! We got this!”
Nag-post din si Erwan sa kanyang IG page ng litrato nila ni misis kung saan ganu’n din ang kanilang posisyon pero pareho na silang nakatawa. May caption itong, “Started the decade partying it up at a music festival, ended it counting it down, just the two of us with virgin cocktails and starting the new one with another girl to carry on my shoulders.”
Nitong nakaraang November ibinandera ng mag-asawa na magiging parents na sila. Nakatakdang ipanganak ni Anne ang kanilang baby girl sa March, 2020.