UMAATIKABONG katatawanan at mga nakakalokang hiritan na naman ang mapapanood sa isa na namang espesyal na episode ng I Can See Your Voice sa ABS-CBN.
Hosted by Luis Manzano, eeksena bilang celebrity guest ang singer-comedienne na si Ethel Booba sa trending at laging hataw sa rating na Kapamilya mystery musical game show sa balat ng telebisyon.
Ilang buwan nang buntis si Ethel ngayon at ayon nga sa paniniwala ng matatanda, may suwerteng hatid daw ang nagdadalang-tao sa kahit anong uri ng palaro o sugal. Kaya ang tanong, magwagi kaya ang komedyana sa pahulaan challenge ng ICSYV?
Makatulong naman kaya sa kanya ang mga makukulit pero palabang mga Sing-vestigators ng show kabilang na sina Alex Gonzaga, Wacky Kiray, Andrew E, Jobert Austria, Kean Cipriano at Bayani Agbayani? O baka naman, makadagdag lang sila sa stress ni Ethel sa pagtsugi sa mga Seen-tunado at pagpili sa mga certified See-nger?
Pero ang sigurado rito, sasakit na naman ang inyong tiyan sa katatawa sa mga hiritan at laglagan ng mga Sing of the Crime Operatives o SOCO. Abangan kung anu-ano na naman ang mga bagong pasabog ni Wacky at ang mga nakakawindang na punchlines nina Bayani, Andrew, Kean at Jobert. At alamin kung bakit pinagtawanan ng kanyang mga kapwa Sing-vestigators si Alex.
Kaya kung gusto n’yong tumawa lang nang tumawa para iwas bad vibes stress, huwag na huwag aabsent ngayong Sabado ng gabi sa I Can See Your Voice pagkatapos ng Maalaala Mo Kaya sa ABS-CBN lang.