Jomari ayaw kausapin ni Andrei: Gusto kong magkita kami, usapang-lalaki…

JOMARI YLLANA AT ANDREI

NAGLABAS na ng kanyang panig ang actor at councilor ng Parañaque na si Jomari Yllana sa mga akusasyong ibinanato sa kanya ng dating live-in partner na si Joy Reyes.
Kapag ‘di tumigil si Joy sa paglabas sa social media ng mga maling paratang kay Jomari, posibleng dumaan na sa legal na proseso si Jom.

“Kung kailangang i-settle yung na-violate na agreement namin, kung kailangang i-update, i-ammend at di na kailangang ira-rant sa social media, kung hindi magkakasundo at magkakaayos, wala naman kaming magagawa kung hindi ilagay sa tama, e, through legal process,” lahad ni Jomari sa ipinatawag na tsikahan with some friends from the entertainment press.

Bukod sa pagbibigay-panig ni Jom sa mga inilahad ni Joy against him, nailabas din niya ang pagkalungkot sa relasyon nila ng kanyang panganay na anak nila ni Aiko Melendez na si Andrei.

Hindi kasi sinasagot ni Andrei lahat ng message ni Jom sa kanya since July. Pero agad niyang nilinaw na walang kinalaman ang isyu sa kanila ni Joy sa ‘di pakikipag-communicate sa kanya ni Andrei, “No, no, no. Absolutely, hindi naman ganoon. Saka hindi naman ako nagpakasal.”

Since nag-start ang school year ni Andrei sa Don Bosco, hindi pa raw sila nagkakausap, “Nag-shift kasi siya ng course. I’ve been waiting for him na magkausap kaming mag-ama, magkaintindihan kami. We’re very very close. May dinaramdam ‘yung anak ko sa akin.

“E, ako naman, nag-aantay lang. Pero ang huling usapan namin ni Andre, hihintayin ko siya. Kasi, meron kaming kailangang pag-usapan na very, very private.

Usapang lalaki, at saka usapang mag-ama,” diin pa ni Jom. Kahit daw nu’ng nakaraang birthday ni Andrei last September, hindi raw nag-reply ang panganay niya sa kanyang mensaheng pagbati.

“I have to make a stand sa pagiging tatay niya. Hindi ko alam kung nahihiya siya or natatakot siya.

Pero nagri-reach out ako sa kanya. Hindi ako timitigil pero hindi siya sumasagot,” aniya pa. Sa palagay niya, paano sila magkakaayos ni Andrei?

“Nagri-reach out ako. Ako naniniwala ako, one way or the other, magkakatagpo rin kami. Magkakausap din kami.

So, nandu’n siya sa sitwasyon na ayaw niya akong kausapin.” Wish niya na magkausap agad sila ni Andrei, “Oo, saka I’ve never been to this situation with Andrei before. First time to.

Although, alam ko happy siya. May girlfriend siya ngayon.” Clueless si Jom kung ano ang dahilan bakit di siya nirereplayan ni Andrei, “Ako mismo, gusto ko rin marinig sa kanya mismo.

Kahapon nga, nag-message ako sa kanya, deadma. Pero nabasa niya, sure ako. Seen zone, e.”

Hindi kaya may kasalanan siya kay Andrei kaya sine-seen zone na lang ang message niya, “Gusto kong isipin na sana ako na ‘yung may kasalanan.

Ayun ay kung papipiliin ako. Although hindi klaro. Kasi, hindi kami nakakapag-usap. Pero kung papipiliin ako, mas gusto kong ako na ‘yung nagkamali, e.”

Nabayaran ba niya ang tuition fee ni Andrei? “Yes, we paid for, yung enrollment niya sa Don Bosco. Kabababayad ko lang, kasi nga nag-shift siya, e.”

What about his allowance? “Allowance ang hindi ko maibibigay kasi, kasi nag-cut siya ng communication sa akin. Hinihintay ko lang siya.”

Hindi kaya nakabuntis si Andrei? “Hindi…hindi. Ha-hahaha!” Pero hindi pa raw nami-meet ni Jom ang girlfriend ni Andrei,

“Nagkaroon siya ng girlfriend before. Siguro mga two years din sila. P Ipinakilala niya sa akin ‘yun.

Tinanong ko nga siya bakit sila nag-break. Magastos daw. Ha-hahaha!”

Kung ilang buwan na siyang ‘di kinakausap ni Andrei, tatlong taon naman na hindi na sill on speaking terms ni Aiko,

“Nagkita kami sa airport noon, kasama niya yung cast ng Wildflower, ba ‘yun? “Kahit kami hindi on speaking terms ni Aiko, nu’ng nagkita kami sa ariport, nagbatian kami.

Kasi nagpasalamat siya sa binigay kong kotse kay Andrei.”