RUBILEN Amit
BINAWIAN ni Rubilen Amit si Chezka Centeno, 7-3, sa kanilang all-Filipino finals duel sa 30th Southeast Asian Games women’s 9-ball singles competition para matumbok ang gintong medalya sa kanilang laban na ginanap Linggo ng gabi sa Manila Hotel Tent.
Nakalamang agad si Centeno kay Amit sa pagsisimula ng kanilang race-to-7 racks finals, 2-0, bago naagaw ng huli ang ikatlong rack.
Nagawa pang umangat ni Centeno sa 3-1 bago napanalunan ni Amit ang sumunod na anim na rack para tuluyang mauwi ang gold.
Nauna nang nagharap sina Centeno at Amit sa women’s 10-ball singles finals nitong Sabado ng gabi at natumbok ng una ang ginto sa pagtala ng 7-3 panalo.
MOST READ
LATEST STORIES