MARAMING nakikisimpatya kay Carlo Aquino dahil sa mga negatibong salita na ibinabato sa kanya ni Angelica Panganiban.
Hanggang ngayon kasi, konting sundot lang kay Angelica tungkol sa nakaraan nilang relasyon ng dati niyang bestfriend na si Carlo ay meron na agad siyang komento, hanggang ngayon daw ay hindi pa rin nakapagmu-move-on ang magandang aktres.
Kung totoong napatawad niya na si Carlo, dapat ay hindi na rin siya nagkokomento nang negatibo, pero nilinaw ng dalagang aktres na pinatawad lang niya si Carlo para sa kanyang sarili at hindi para sa kapakanan ng binatang aktor.
Masaya na ngayon si Carlo sa bago nitong girlfriend, si Angelica ay wala pa ring karelasyon, punumpuno pa rin ng mapapait na alaala ang kanyang puso na nakahaharang sa dapat ay kaligayahang nararamdaman na niya ngayon.
Hindi naman kailangan ng babae ang bagong karelasyon, kahit sa kanyang pag-iisa ay makakaramdam siya ng saya, kailangan lang niyang basyuhin ang kanyang puso ng mga hindi kagandahang alaala na nagpapalungkot sa kanya.
May bagong hirit pa si Angelica na kaya lang gusto ni Carlo na magkaayos na sila ay dahil gusto nitong gumawa pa uli sila ng bagong pelikula.
Para namang wala nang magiging trabaho si Carlo Aquino kung wala siya. Hindi ‘yun maganda sa panlasa at pandinig.