NAKALIGTAS, bagamat nasugatan, ang isang dalagita matapos labanan ang buwayang sumakmal sa kanya, sa Balabac, Palawan, Biyernes ng gabi.
Dinala si Haina Lisa Habi, 12, sa lokal na Rural Health Unit dahil sa kagat ng buwaya sa kanang binti, ayon sa ulat ng MIMAROPA regional police.
Naganap ang insidente dakong alas-6:30, sa isang creek sa Brgy. Poblacion 4.
Tinatawid ni Haina at kapatid na si Hashim ang creek nang bigla siyang kagatin ng buwaya sa binti, ayon sa ulat.
Nilabanan ng dalagita ang hayop sa tulong ng kanyang kapatid, hanggang sa tuluyan siyang makaalpas, ayon sa pulisya.
MOST READ
LATEST STORIES