MAINE MENDOZA
NABUHAY at nag-init muli ang dugo ni Maine Mendoza bilang fan girl ng Taiwanese actor na si Jerry Yan.
Si Jerry Yan ang bumida bilang Dao Ming Si sa hit Taiwanese drama na Meteor Garden I and II na napanood sa bansa ilang taon na ang nakararaan.
Sa Twitter account ni Meng, inilabas niya ang trailer ng bagong movie ng Taiwanese superstar.
Tweet ng Phenomenal Star, “Jerry Yaaaaan nanumbalik pagmamahal ko sayo.” Marami namang nag-comment sa post ni Maine at nagsabing kahit sila ay na-excite sa bagong movie ni Jerry.
Comment ni @menggalurks, “Hindi siya tumatanda. Naging on screen partner pa si Shen Yue. Lakas maka-kuya mong boy Carlo Aquino & #MaineMendoza!!”
Sabi naman ni @mainer4maine, “Dahil fangirl kinabisado pa yung theme song ng meteor garden kahit walang naiintindihan. Dao Ming Si!”
Ayon naman kay @EyamCC147, “OMG! Pag si Jerry Yan & @mainedcm mag pair ewan ko na lang talaga. Fan na fan si Meng pucha!”
Ayon sa report, isang bampira ang role Taiwanese actor sa bagong pelikula.