Kasal na lang ang kulang kina Luis at Jessy

NAKASAMA rin pala si Luis Manzano sa kanyang pamilya para sa ilang araw na bakasyon sa Taiwan.

Kasama rin ni Luis ang girlfriend na si Jessy Mendiola sa kanilang family bonding kaya naman maraming netizens ang natuwa dahil talagang “belong” na ang dalaga sa pamilya ng TV host-comedian.

Sa mga litratong naka-post sa social media na kuha sa iba’t ibang lugar sa Taiwan, makikita sina Luis at Jessy kasama sina Cong. Vilma Santos, Ralph Recto at ang kapatid ni Luis sa ina na si Ryan.

Kamakailan, inamin ni Luis na may plano na silang magpakasal ni Jessy at may dalawang options na sila para sa kanilang dream wedding destination. In fairness, kasal na lang talaga ang kulang sa kanila kaya let’s wait and see na lang.