LPA nagbabadyang maging bagyo

POSIBLENG maging bagyo ang low pressure area na nasa loob ng Philippine Area of Responsibility.

Ayon sa Philippine Atmospheric Geophysical and Astronomical Services Administration ang LPA ay maaaring maging tropical depression sa loob ng 24-36 oras.

Ang LPA ay namataan kahapon ng umaga sa layong 220 kilometro sa silangan-timog silangan ng Puerto Princesa City, Palawan.

“This LPA will bring light to moderate with intermittent heavy rains over Bicol Region, MIMAROPA, Aurora, and Quezon,” saad ng PAGASA.