TINABLAN si Jeric Gonzales sa red, hot kissing scene niya with Sheryl Cruz sa pinakabagong aabangangafternoon drama ng GMA 7, ang Magkaagaw.
Overheard after the presscon ang usapan ng ilang writers at executives ng Kapuso Network ang tungkol sa mainit na halikan nina Jeric at Sheryl na mapapanood din sa trailer ng Magkaagaw.
“Tinablan ang bagets!” sey ng isa sa umpukan habang nagkukuwentuhan tungkol sa shooting ng bagong Kapuso afternoon series.
Paanong hindi maaapektuhan si Jeric, eh, sobrang passionate naman talaga ng kissing scene nila ni Sheryl na ikinabigla ng mga umattend sa presscon ng serye.
Ayon kay Jeric, kahit na nakailang intimate scenes na sila ni Sheryl kinakabahan at natetensiyon pa rin siya kapag nagkakaharap sila ng aktres.
Tatakbo ang kuwento ng Magkaagaw sa mga karakter nina Sheryl bilang si Veron at Sunshine Dizon bilang Laura. Sa pagiging career driven ni Veron ay mawawalan nang gana ang asawang si Mario (Alfred Vargas) hanggang sa magkahiwalay due to their long distance set-up. Makikilala ni Mario si Laura, na pakakasalan niya uli. Ang hindi alam ni Laura kasal pa si Mario sa una nitong asawa.
Nang malaman ni Veron na may ibang babae si Mario, babalik siya sa piling nito para bawiin ang asawa. Madadamay din sa kanyang galit ang anak nina Mario at Laura na si Clarisse (Klea Pineda).
Magiging empleyado niya si Clarisse at malalaman ang tunay na pagkatao nito. At para mas maging masakit ang paghihiganti niya kay Laura, lalandiin at aakitin niya ang asawa ni Clarisse na si Jio (Jeric).
Pagbabayarin niya ang anak sa kasalanan ng ina.
Bilang mag-asawa, asahan na rin ang maiinit na eksena nina Klea at Jeric sa Magkaagaw na first time rin nilang gagawin sa teleserye. Sa tanong kay Jeric kung kanino siya mas nag-enjoy at mas nasarapan, kay Klea o kay Sheryl? “Parehas lang naman po sila. Hahahaha!”
Pina-describe pa ng entertainment press kung ano ang pagkakaiba ng kissing scene nila ni Klea sa laplapan nila ni Sheryl, “Isang mas passionate, isang mas…how do I say it…aggressive.”
Inamin din ni Jeric na ito na ang pinaka-daring na role na ginampanan niya kaya talagang challenge para sa kanya.
Mapapanood na ang Magkaagaw simula sa Oct. 21 sa GMA Afternoon Prime. Kkasama rin dito sina Polo Ravales, Dion Ignacio, Lovely Abella, Dennis Padilla, Isay Alvarez, Patricia Tumulak at Joanna Marie Tan, sa direksyon ni Gil Tejada, Jr..