MAINE MENDOZA
PINAKYAW ni Maine Medoza ang tatlong awards sa katatapos lang na EdukCircle, huh!
Siya ang tumanggap ng One of the Five Most Influential Female Celebrity Endorsers of the Year, One of the Five Most Influential Actresses of the Year at ang Best TV Comedienne trophy.
Absent si Meng sa awards night parangal kaya sa Twitter niya idinaan ang kanyang pasasalamat sa nagbigay sa kanya ng mga parangal.
“Wow! Wala man po ako diyan para tanggapin ang mga parangal na ito pero ako po ay lubos na nagpapasalamat sa lahat ng bumubuo ng EdukCircle. Maraming salamat po!” tweet ng Eat Bulaga host.
Nang matanggap ang isa sa tropeyo last Sunday sa guesting niya sa Sunday PinaSaya, naglabas agad ng litrato sa Twitter ang dalaga na ang caption ay, “Ito naaaaa! Ang angas ng best TV Comedienne! Maraming salamat @edukCircle!!!”
Talagang pinagpapala pa rin si Maine, sunud-sunod ang tagumpay na dumarating sa kanya. Sabi nga ng kanyang fans, lucky na sa career, swerte pa siya sa lovelife. Kaya ikaw na talaga Meng! Ikaw na!
Samantala, biglang nagbago ng desisyon ang Blacksheep Productions at APT Entertainment sa magaganap na premiere night ng movie nina Maine at Carlo Aquino na “Isa Pa With Feelings”.
Sa halip kasi na gawin ito sa Dolphy Theater ng ABS-CBN ay inilipat na ito sa SM Megamall, huh!