VICE GANDA AT ION PEREZ
WIFEY na ang peg ng Unkabogable Star na si Vice Ganda sa kanyang rumored boyfriend na si Ion Perez.
Isa si Ion sa mga dumalong bisita sa intimate dinner para sa 74th birthday celebration ng nanay ni Vice na si Rosario Viceral.
Mismong ang TV host-comedian ang nag-post ng ilang video sa kanyang Instagram Story na kuha nga nitong nagdaang weekend sa isang restaurant. Sa isang video makikita ang ilang sweet moments ng rumored couple.
Bukod kay Nanay Rosario, kasama rin sa dinner ang dalawang pamangkin ng TV host-comedian at tatlo pang non-showbiz friends.
Kuhang-kuha naman sa isang video ang eksena kung saan hinalikan ni Ion sa buhok si Vice. Dito maririning ang TV host na nag-dialogue ng, “Fresh, o!” na ang tinutukoy ay ang mukha ng hunk model-actor.
Mas lalong kinilig ang fans ng dalawa nang ipakita sa video si Vice na pinagsisilbihan Ion sa pamamagitan ng paglalagay ng pagkain sa pinggan ng kanyang rumored dyowa.
Mukhang unti-unti na ngang nagiging open sina Vice at Ion sa kanilang tunay na relasyon sa publiko.
Comfortable na kasi sila sa pagpapakita ng pagmamahal sa isa’t isa kahit sa harap ng nanay ng comedian.
Kamakailan, nag-post si Ion ng mensahe sa Instagram na pinaniniwalaang para kay Vice Ganda. Aniya,
“Lahat ng tama may rason para maging mali pero ang pag mamahal ko sayo walang rason para maging mali.”
Bukod dito, inihayag din ng binata ang kagustuhan niyang pakasalan ang TV host sa pamamagitan ng kanyang Instagram Story, “IKAW ANG GUSTO KONG MAKASAMA HANGGANG SA [HULING] SANDALI NG AKING HININGA AT KUNG PINANGANAK LANG AKONG MAY KAYA MALAMANG PINAKASALAN NA KITA #AKINGREYNA.”
Sa panayam naman ng entertainment media kay Vice recently, inamin niyang espesyal sa kanya si Ion, at isa ito sa mga nakakapagpasaya, nagpapangiti at nagpapakilig sa kanya ngayon.