‘Allan Peter Kuya Thanos’ eeksena sa Bubble Gang

May panibagong sorpresa ang cast members ng longest-running gag show na Bubble Gang para sa ika-24 nitong anibersaryo!

Ipinasilip ng multi-awarded Kapuso comedian na si Michael V ang bagong karakter na gagampanan niya sa gag show bilang si Allan Peter Kuya Thanos!

Ipinost ni Bitoy ang litrato niya with matching costume sa kanyang Instagram account kaya naman mas lalong na-excite ang kanyang fans and followers.

Makakasama rin nila sa eksena si Jacob Batalon, ang mismong gumanap na Ned Leeds sa Marvel movies na ‘Spider Man Homecoming’ at ‘Spider Man Far From Home.’

Ilan lang ito sa mga pasabog ng Bubble Gang para sa kanilang upcoming anniversary special sa mga susunod na Biyernes sa GMA 7 lang.