ROBI DOMINGO AT MAINE MENDOZA
KILIG-KILIGAN si Maine Mendoza nang makita up close and personal ang TV host-actor na si Robi Domingo.
Naging guest si Maine sa MYX music channel kamakailan at may mga photo sila ni Robi together na kumalat sa social media.
Sa kanyang Twitter account, naglabas si Meng ng screenshot ng isa niyang tweet noon na may nakasaad na, “Hi! I’m Maine Mendoza and you’re watching MYX, your choice, your music!”
Mensahe pa ng Dubsmash Queen, “Tweeted this 9 years ago and now I am here at Myx! Guest lang naman po ako pero waaaaahhh. Nakakatuwa. Nice to finally meet you, @robertmarion!”
Tweet naman ni Robi nang makita ang ipinost na litrato nila ni Meng, “So surreal!!! Can’t believe this meet up finally happened The Maine reason why I went to the myx studios hahaha. Salamat Myx VJ Maine!”
Para sa promo ng pelikulang “Isa Pa With Feelings” ang pagtuntong ng Phenomenal Star sa MYX Studios. Finally, natapos na ang shooting ng movie nila ni Carlo Aquino at malapit nang ipalabas.