JEROME PONCE
“Ayokong makasakit ng mga kaibigan natin sa LGBTQ community,” ang pahayag ni Jerome Ponce sa pagganap niya bilang bading sa upcoming Regal Films movie na “Ang Henerasyong Sumuko Sa Love.”
“Aminado naman ako na natakot ako kasi una mga kasama ko sa industriya na gay rin, sila mismo nagsasabi sa akin na mahirap talaga maging ganun lalo na sa buhay nila at yung mga pinagdaanan nila.
“Nagpapakuwento ako eh. Kasi nung gumanap ako sa MMK ng gay role, mahirap kasi simula bata hanggang sa mag-out out nahirapan. So yun yung buhay na kinakatakot ko na hindi ko ma-portray ng maayos. Ayoko rin makasakit ng mga kapwa ko sa industriya,” aniya.
Ang hunk actor na si Anjo Damiles ang magiging partner niya sa movie, “Basta challenging siya in a way na I did my best na lang. Pag umatras ako dito ang pangit naman pakinggan. ‘Jerome umatras sa eksena na ganito na sa character.’ Sad naman sa director na mali-limit yung movie niya dahil sa hindi kaya ng artista and nag-trust siya sa akin. Kinuha niya ako para gawin ito.”
Inamin din ng Kapamilya actor na napakarami niyang “nilunok” para sa “Ang Henerasyong Sumuko Sa Love”, “Siguro mas pipiliin ko pang ma-stress kung paano ko makuha yung drama sa iyakan at mabibigat na eksena kesa yung doon kasi aminado ako ang dami kong nilunok na paninibago. Masarap din sa pakiramdam na ang galing na na-exceed ko yung limit.”