ALDEN RICHARDS
ITINANGHAL muli ang Asia’s Multimedia Star na si Alden Richards sa pangalawang pagkakataon bilang Sexiest Man in the Philippines ng isang entertainment site base sa isinagawang online poll.
Ang criteria ng winner ayon sa website ay: 30% charm, 40% physique at 30% popularity index (in the last 21 months).
Nakakuha ng 56.9% sa mga boto ang bida ng Kapuso series na The Gift. Tinalo niya sina Daniel Padilla (2nd), Enrique Gil (third), Dingdong Dantes (4th), James Reid (5th).
Pumasok din sa Top 10 sina Derek Ramsay (6th), Carlo Aquino (7th), Marco Gumabao (8th), Matteo Guidicelli (9th) at Gerald Anderson (10th).
Sa pamamagitan ng Twitter, nagpasalamat si Alden sa lahat ng mga bumoto sa kanya at sa latest recognition na natanggap.