ALDEN RICHARDS
MAS lalong bumait si Alden Richards ayon kay Jean Garcia na kasama rin ng Pambansang Bae sa upcoming Kapuso series na The Gift.
Ito na ang pangatlong beses nang pagsasama nina Jean at Alden. Una silang nagkatrabaho sa Kapuso series na Alakdana at sinundan pa ng primetime serye na One True Love. Madam pa rin ang tawag ni Alden kay Jean, huh!
“Siyempre natutuwa ako sa tawag ni Alden sa akin. Ako lang daw ang tatawagin niyang madam sa showbiz.
“Imagine, ang tagal na naming hindi nagkasama and yet, mabait at magalang pa rin. At mas lalo pa siyang bumait ngayon,” sabi ni Jean patungkol kay Alden sa presscon ng Pista ng Pelikulang Pilipino entry niyang “Watch Me Kill.”
Kung balik-drama si Jean sa The Gift, isang hired killer naman ang role niya sa “Watch Me Kill” na dinirek ni Tyrone Acierto.