ALDEN RICHARDS
UMABOT na sa 3 million ang followers ni Alden Richards sa Instagram.
Malaking achievement ito para sa Pambansang Bae kaya naman todo ang pasalamat niya sa kanyang mga bagong IG followers.
“3M na tayo…I don’t love you,” saad ni Alden na mula sa pinasikat niyang linya sa certified blockbuster niyang pelikulang “Hello, Love, Goodbye.”
As we all know, patuloy pa ring namamayagpag sa pagkita sa takilya ang movie nila ni Kathryn Bernado.
Patungo na ito sa paggawa ng bagong record bilang highest grossing local movie ng 2019 dahil ilang kembot na lang ay aabot na sa P1 billion ang kinita nito.
Kaya naman ang panawagan ng kanyang fans eh, tanghaling Box-Office King si Alden para sa 2019, huh!
Pero kahit sige pa rin ang pagdalo niya sa events na may kaugnay ng “HLG”, tuloy-tuloy pa rin ang taping niya para sa upcoming primetime series niyang The Gift na very soon ay mapapanood na sa GMA 7.
Kamakailan, naganap ang pictorial niya at ng iba pang cast ng The Gift sa isang bahagi ng Divisoria kung saan kinukunan ang mga eksena ni Alden, huh!