HINDI umano dapat maapakan ang kapakanan ng kababaihan para pagbigyan ang iba.
Ayon kay House Deputy Speaker at CIBAC Rep. Eddie Villanueva, dapat igalang ang karapatan ng mga babae sa banyo na ginawa para sa kanila.
“In this ongoing tug-of-war between actual rights and perceived ones, let us not forget the most fundamental of all, the long-established Rights of Women,” ani Villanueva sa isyu na kinasasangkutan ng transwoman na si Gretchen Diez.
Nakalulungkot umano na nais ng LGBT community na magkaroon ng karapatan na para sa biologically born women.
“Ilang dekada na po na nakasanayan ng mga kababaihan na ang kanilang restroom ay exclusive para sa kanila at ang karamihan ay hindi komportable kung may transwomen na gagamit nito. Sana naman po igalang ng lahat ang kababaihan. Huwag ipilit ng sino man na sa tingin nila may karapatan sila sa pagamit ng women’s toilet pero tatapakan ang kinagisnang karapatan ng kababaihan. Adding emotions to the controversial occurrence is not helpful in providing context not only to the pending SOGIE bill, but also to the concerns of both the LGBT and Non-LGBT rights proponents in the country,” saad ng solon.
Makikilahok ang CIBAC sa pagdinig ng Kamara de Representantes sa isyu ni Diez, na inaresto matapos na mag-eskandalo dahil ayaw siyang papasukin sa CR na pambabae sa isang mall sa Cubao, Quezon City.
Hindi rin umano da-pat isantabi ang Panginoon sa paggawa ng batas lalo at sa Preamble ng Konstitusyon ay hinihingi ang tulong ng Diyos.
“Freedom from discrimination is a worthy pursuit. But in pursuing such, no sector must consequently be discriminated against,” saad pa ni Villanueva.