NILINAW ng Star Cinema ang balita tungkol sa naka-schedule na screening sa Hong Kong ng Kathryn Bernardo-Alden Richards movie, ang “Hello, Love, Goodbye.”
Sa tweet ni MJ Felipe ng news program na Bandila, tuloy ang screening ng blockbuster movie ng KathDen ngayong Aug. 18 and 25.
Ang kanselado lang ay ang pagdalo nina Kath at Alden pati na ang ibang cast sa gaganaping special screening doon.
Security ang rason kaya hindi na makakapunta sa HK ang cast ng pelikulang idinirek ni Cathy Molina. Ang patuloy na protesta sa Hong Kong ang naging balakid kaya nabago ang plano.
Sa isang interview kay Alden, sinabi nitong nalungkot siya sa nangyari. Wala nga lang siyang choice kungdi ang sumunod sa payo ng Star Cinema.
Sa ngayon, kaliwa’t kanan ang kanselasyon ng halos lahat ng flights patungo sa HK dahil sa nangyayaring protest rally doon.