ISINABAY na ni Mariel Rodriguez ang 50th birthday celebration ng asawang si Robin Padilla sa kanyang ika-35 kaarawan nitong weekend.
Sa Nov. 23 pa ang birthday ni Robin pero naisip ni Mariel na ipagdiwang na rin ito last Aug. 9, kasabay ng kanyang kaarawan na ginanap sa Raffles Hotel, Makati City.
Ayon kay Mariel, aalis na kasi siya sa Sept. 12 patungong Amerika para doon isilang ang second baby nila ni Binoe. Sa Nov. 17 ang due date ng TV host-actress kaya wala siya rito sa mismong Golden day ng asawa.
Caption ni Mariel sa mga photos na kuha sa bonggang selebrasyon, “I am 35 years old today!!! And last night we had our biggest party ever!!!
“But it wasn’t for me… it was for my husband. He turns 50 this November and sadly, Isabella and I will not be here to celebrate with him.
“So I threw him a surprise party… the whole time he thought it was my party I was planning but it was his. From the bottom of my heart, my sincerest gratitude to everyone who helped me out!!!”
Naging special guests sa joint birthday party nila sina President Rodrigo Duterte at Sen. Bong Go, pati na ang mga kilalang celebrities tulad nina Lorna Tolentino, Kylie Padilla, Bela Padilla, mga taga-Showtime at marami pang iba.