MAY nagtanong sa amin kung kailan ang showing ng pelikulang “Block Z” nina Julia Barretto, McCoy de Leon at Joshua Garcia na idinirek ni Mikhail Red for Star Cinema.
Hindi pa namin alam kung kailan ito isasalang sa mga sinehan kaya wala kaming masagot sa kausap namin. Ito’y sa gitna naman ng isyung kinasasangkutan ni Julia na may kinalaman pa rin sa hiwalayang Bea Alonzo at Gerald Anderson.
Sabi namin, baka pinag-iisipan pang mabuti ng Star Cinema ang playdate nito dahil sa mga nangyari.
Pero ang alam namin, patuloy pa ring nagdiriwang ang buong Star Cinema and their artists sa “Hello, Love, Goodbye” dahil humamig na ito ng mahigit P400 million as of Aug. 10.
Kaya hayaan na lang munang ipagbunyi ito ng Star Cinema at lahat ng taong involved sa movie lalo’t marami pang nakatakdang international screenings ang pelikula nina Kathryn Bernardo at Alden Richards.
Sabi nga namin sa aming kausap, baka puwedeng next year na ipalabas ang “Block Z” kapag nakalimutan na ng mga tao ang isyu nina Joshua at Julia na nadamay pa sa kontrobersyal na hiwalayan nina Bea at Gerald dahil hangga’t mainit ang usapin, malamang na maapektuhan ang pelikula sa takilya.
Though civil naman sa isa’t isa ang JoshLia, e, iba pa rin siyempre kung mula pa rin sa puso ang pagsasama nila para sa promo ng “Block Z.”
Kaya for the meantime, mag-“Hello, Love, Goodbye” muna tayo na pinaniniwalaang lalagpas pa sa P500 million mark sa mga susunod na araw.