“MAHAL, what do you think when I grow rounder and bigger?” Yan ang diretsong tanong ni Kylie Padilla kay Aljur Abrenica ngayong palaki na nang palaki ang kanyang tiyan.
Buntis ang Kapuso actress sa second baby nila ni Aljur at ramdam na ramdam na niya ang mga pagbabago sa kanyang katawan. Nasa second trimester na siya ng kanyang pregnancy ngayon.
Sa kanyang latest Instagram post, naikuwento ni Kylie ang mga adjustment na ginagawa niya para masiguro ang kaligtasan at kalusugan ng kanilang baby number 2. Feel na feel daw niyang palaki nang palaki ang bata sa kanyang tummy.
“There is no comfortable way to sit or sleep or stand, you can’t breathe right cause baby is squishing your lungs,” aniya.
At dahil dito, feeling niya bloated siya lagi at dumoble na rin ang laki ng kanyang katawan. Hindi na rin daw kasya sa kanya ang mga damit niya, “And everything is beginning to feel itchy.”
Nalulungkot din daw siya kung minsan dahil limited na ang oras at galaw niya para sa panganay na anak na si Alas Joaquin, “And because you gotta be careful of your bump.”
Pero siyempre, mas lamamg pa rin daw ang excitement niya ngayong magiging kuya na si Alas.
“Every time baby kicks you’re excited. You stop what you’re doing just to feel the little angel kick and squirm. And every time he answers you’re excited and filled with so much love.
“Everything is suddenly worth it. You prepare yourself mentally for the days ahead. Hopefully you’re prepared to be the person your children deserve,” aniya pa.
Nagpasalamat din si Kylie kay Aljur dahil hindi ito nagkukulang ng panahon para alagaan at pasayahin siya ngayong buntis uli siya, “He always knows the right thing to say.”
“The other day I said, ‘Mahal, what do you think when I grow rounder and bigger. Because I feel so bloated.’ He says. ‘Ano ka ba, you’re making an angel. That’s the most beautiful thing in the world.’ He holds my bump and kisses it.
“Ako naman pabebe nenemen. ‘Ayiii thank you mahal.’ With a big smile on my face.”
Kylie and Aljur are expecting another boy at aminado ang celebrity mom na kinakabahan pa rin siya kahit pangawalang beses na niya itong magdalang-tao.
“I am feeling scared and nervous to have two little ones, but I am more excited for the new adventure coming our way,” lahad ni Kylie.