Jackpot sa Ultra Lotto lalapit sa P100M

LALAPIT sa P100 million mark ang jackpot prize ng Ultra Lotto 6/58 sa Biyernes.

Ayon sa Philippine Charity Sweepstakes Office walang tumama sa P88.6 milyong jackpot prize sa bola Martes ng gabi kung saan lumabas ang mga winning number combination na 29-09-08-55-07-24.

Noong Linggo, Agosto 4 umabot ang jackpot prize P85.6 milyon.

Sa huling bola nanalo naman ng tig-P39,390 ang 17 mananaya na nakakuha ng limang numero. Tig-P620 naman ang 860 mananaya na nakaapat na numero at balik ang P24 taya ng 16,058 mananaya na nakatatlong numero.

Ang Ultra Lotto ay binobola tuwing Martes, Biyernes at Linggo.