THIA THOMALIA
Ikinakasa na ang bagong Kapuso series ni Alden Richards na may tentative title na The Gift.
Inilabas sa Instagram account na Kapuso PR Girl ang picture ng Pambansang Bae kasama ang iba pang cast ng series kabilang na sina Mikee Quintos, Jo Berry, Martin del Rosario, Rochelle Pangilinan at ang beauty queen na si Thia Thomalia.
Sa reaksyon ng ilang netizens sa bagong soap ng Pambansang Bae, napansin nila na hindi katabi ni Alden si Thia. Eh, ang dalaga raw ang natsitsismis na bagong apple of the eye ng Kapuso actor, huh!
Ang hula ng mga netizens baka raw kasi ma-bash ang beauty queen kapag tumabi siya kay Alden.
Naku, nangyari na ‘yan kina Janine Gutierrez at Andrea Torres nang makasama niya ang dalawa sa Victor Magtanggol pero wala rin namang kinahinatnan ang mga hate messages sa kanila.
May kanya-kanya nang career sina Alden at Maine Mendoza kaya lubayan na sana ng mga bashers and haters ang dalawa. Move on na tayo mga besh dahil matagal nang naka-move on sina Alden at Meng.
At tulad nga ng nasabi ng Dubsmash Queen sa isa niyang interview, masaya na sila ni Alden sa kanilang respective career.