Pasok sa mga tanggapan ng gobyerno kinansela na rin

 

SINUSPINDE na rin ng Palasyo ang pasok sa mga tanggapan ng gobyerno epektibo alas-3 ng hapon ngayong araw dahil sa nararanasang pag-ulan sa bansa.

Ipinalabas ni Executive Secretary Salvador Medialdea ang Memorandum Circular number 63 pasado alas-2 ng hapon ngayong araw.

Idinagdag ni Medialdea na ang suspensyon ay base na rin sa rekomendasyon ng National Disaster Risk Reduction and Management Council (NDRRMC) dahil na rin sa sama ng panahon.

Nauna nang nagpalabas ang maraming lokal na pamahalaan sa Metro Manila at kalapit na mga lalawigan ng pagkansela ng klasedahil sa sama ng panahon.