KATHRYN BERNARDO AT ALDEN RICHARDS
BIG deal kina Kathryn Bernardo at Alden Richards ang tweet ni Maine Mendoza para himukin ang kanyang followers na panoorin ang pelikulang “Hello, Love, Goodbye”.
“GUUUYS! Hello, Love, Goodbye now showing in over 350 cinemas nationwide! Sugod na sa sinehan! Congrats, @aldenrichards02 and @bernardokath!” tweet ng Dubsmash Queen.
Kapwa naman nagpasalamat sina Alden at Kath sa gesture na ‘yon ni Meng. Si Alden nga, tinawag pang “Ma’am Maine” ang dating ka-loveteam, huh!
Base sa reports, malaki ang opening day gross ng movie na umabot daw sa mahigit P34 million. Expected na naman ‘yon dahil maraming factors kaya naging curious ang viewers na panoorin ang first movie together ng KathDen.
Samantala, ‘yung movie naman nina Maine at Carlo Aquino ang inaabangan ng fans ng TV host-actress. Malapit na raw magsimula ang shooting ng dalawa dahil natapos na ang kanilang acting workshop.