KRIS AQUINO AT DEREK RAMSAY
MAY matinding love scene pala sina Kris Aquino at Derek Ramsay sa 2019 Metro Manila Film Festival entry nilang “(K)Ampon.”
Ito ang ibinalita ng Queen of All Media sa kanyang latest YouTube video bago siya magtungo sa Japan para sa ilang araw na bakasyon kasama ang mga anak na sina Bimby at Joshua.
Sa nasabing vlog, sinabi ni Kris na kailangan muna niyang mag-recharge sa Japan bago sumabak sa shooting ng “(K)Ampon” at dito nga niya naikuwento ang gagawin nilang intimate scene ni Derek.
“I’m very excited about it. It’s my return to horror after five years and it’s part of the Metro Manila Film Festival. Thanks to the two of them (Josh and Bimby) dahil pinayagan nila ako to do a movie.
“Nag-ask permission talaga ako, ‘Are you allowing mama to do the movie because the movie is horror and there is a love scene,” pahayag ni Tetay sa video habang nasa airport sila at naghihintay ng kanilag flight.
Sa nasabing pelikula, mabubuntis at mangangak si Kris, “I’m going to have a baby. How do you have a baby without a love scene? Sabi ni Bimb, bilhan ko lang daw siya ng 20 games for the X-Box and I don’t know where else na games and I get to do a love scene.
“Kasi sabi niya naman, ‘Mom, we’re in the Philippines. What kind of love scene is that really going to be? And you have endorsements so I really doubt that you’re really going to show anything and what are you really going to show, you’re all bones.’ And I said, ‘That’s true,'” pagpapatuloy pa ni Kris.
Inamin ng TV host-actress na nag-request siya sa producer ng “(K)Ampon” na kung maaari ay baguhin ang initial script para sa love scene nila ni Derek na naging leading man na rin niya 2015 MMFF entry na “All You Need is Pag-Ibig.”
“Actually kinabahan ako kasi pina-tone down ko. It kind of helps na yung management company that’s taking care of me, which is Cornerstone, which is also the owner of Spring Films, which is co-producing Kampon, so medyo nasabihan sila kung puwedeng hindi ganun kasi the way it was written, I think that’s not bagay for me.
“But I think all other girls will say, ‘Kung ako yun I’d go for it because si Derek Ramsay naman yung ka-love scene.’ Pero sorry po iba naman ako,” aniya pa.
Sa mga netizens naman na nagsabing sobra na ang kanyang kapayatan, ito ang sagot ni Kris, “Super effort na ko to put on at least 6 pounds para hindi masyadong lubog ang face for the big screen because I will start shooting (K)Ampon in 2 weeks.”