MADALAS na nakakaranas ngayong taon ng earthquake o lindol ang bansa. Nito lang Sabado ay niyanig ng malakas na lindol ang Batanes at nakasabay din nito ay pagsasagawa ng earthquake drill sa Metro Manila.
Narito ang ilang tips at paalala na dapat mong tandaan para makapaghanda at maging ligtas kapag merong lindol sa inyong lugar:
Magkaroon ng earthquake readiness plan.
Kumunsulta ng propesyunal para malaman kung paano mapatatatag ang inyong tahanan kung sakaling magkalindol.
Humanap ng lugar sa inyong tahanan kung saan kayo maaaring pumunta sakaling magkalindol. Dapat ang lugar na ito ay walang mga bagay na tutumba sa iyo tulad ng doorframe.
Magkaroon ng suplay ng pagkaing delata, first aid kit, tatlong galon ng tubig kada tao, dust mask at goggles, gumaganang battery-operated na radio at mga flashlight na madaling makukuha.
Tandaan ang Drop, Cover and Hold.
Manatili sa loob ng bahay o gusali hanggat hindi tumitigil ang paglindol at siguraduhing ligtas kayo sa paglabas.
Umiwas sa mga kagamitan na posibleng mabagsakan ka.
Umiwas sa mga bintana lalo na kapag nasa isang gusali.
Kung nasa iyong higaan, manatili dito at protektahan ang iyong ulo gamit ang unan.
Kung nasa labas ng inyong tahanan, humanap ng lugar na malayo sa mga gusali, mga puno at mga power line.
Kung nasa loob ng inyong kotse, bagalan ang pagmamaneho at humanap ng ligtas na lugar. Manatili muna sa iyong sasakyan hanggat hindi tumitigil ang pagyanig.