Joshua halatang apektado sa Bea-Gerald-Julia scandal

IISA ang komento ng netizens nang magpakita si Joshua Garcia sa isang showbiz event – malungkot ang kanyang mga mata.

Siyempre, hindi biro ang pinagdaraanan niya dahil kahit hindi niya gusto, eh, talagang nadadamay siya sa kontrobersiyang kinasasangkutan nina Bea Alonzo, Gerald Anderson at ng kanyang ex-girlfriend na si Julia Barretto.

Eh, parang wala namang napiga ang entertainment press kay Joshua sa presscon ng bago niyang teleserye na nanatiling tikom ang bibig sa isyu, huh! Hindi rin siya ipina-interview sa press pagkatapos ng presscon.

Kaya sabi ng mga netizens, sapat na ‘yung malungkot niyang mga mata para sabihing apektado rin si Joshua ng kontrobersiya at sa pangnenega sa ex niyang si Julia!