SINAGOT ni GAB chairman Abraham Khalil “Baham” Mitra ang katanungan mula sa sports media sa ginanap na lingguhang “Usapang Sports” forum na hatid ng Tabloids Organization in Philippine Sports (TOPS) Huwebes ng umaga sa National Press Club sa Intramuros, Maynila. Nakasama ni Mitra sa lingguhang forum sina (mula sa kaliwa) Cholo Legisma ng Kings of the Court, Mike Swift ng King of the Rapper, TOPS president Ed Andaya, GAB chief medical officer Dr. Radentor Viernes at GAB Boxing and Other Combat Sports head Dioscoro “Jun” Bautista. EDWIN BELLOSILLO
HANGAD ng Games and Amusements Board (GAB) na magkaisa at magkaroon ng koordinasyon ang mga stakeholder ng professional sports.
At dahil dito inorganisa ng GAB ang kauna-unahang Philippine Professional Sports Summit ngayong Setyembre 24-25 sa Philippine International Convention Center, Pasay City.
“We’re hoping to invite the different stakeholders in professional sports to participate in this sports summit under GAB,” sabi ni GAB chairman Abraham Khalil “Baham” Mitra sa lingguhang “Usapang Sports” na handog ng Tabloids Organization in Philippine Sports (TOPS) Huwebes ng umaga sa National Press Club sa Intramuros, Maynila.
“We’re trying to bring GAB closer to our stakeholders, closer to the people. Through the convention, we’re hoping to come up with a dialogue and assessment. We hope to come up with a road map on what we have to do and where we want to go,” sabi pa ni Mitra.
Nakasama ni Mitra sa sports forum sina GAB chief medical officer Dr. Radentor Viernes at GAB Boxing and Other Combat Sports head Dioscoro “Jun” Bautista.
Pinuri rin ni Mitra si Senador Sonny Angara sa kanyang napapanahong pagtulong para maisagawa ang nasabing summit.
“We’re very fortunate to get the support of Sen. Angara for this endeavor,” dagdag ni Mitra sa weekly public service forum na suportado ng Philippine Sports Commission, National Press Club, PAGCOR, Community Basketball Association at HG Guyabano Tea Leaf Drnks.
Sinabi rin ni Mitra na inimbitahan na ng GAB sina Sen. Angara at Sen. Bong Go para maging keynote speakers sa nasabing summit.
“It will be a very productive convention for all of us,” sabi ni Dr. Viernes, na itinalaga bilang pinuno ng organizing committee ng summit.
“There will be lectures on different topics involving professional sports, including the anti-doping program of the government, the universal health care and even developmental pediatrician,” sabi pa ni Dr. Viernes.
Kabilang sa mga pro sports na pinamamahalaan ng GAB ay ang boxing, basketball, billiards, motocross, golf, football at e-games.
Magsasagawa rin ng mga round-table discussion sa ilalim ng mga GAB official para matukoy ang mga pangangailangan sa iba’t ibang sports.
Kabilang sa inaasahang lalahok sa summit ay ang mga representante ng iba’t ibang professional sports kabilang ang PBA, boxing, billiards, cycling, football, golf, motocross, triathlon, volleyball at maging e-sports.
Ito naman ang ikalawang pagkakataon na magsasagawa ang GAB ng isang malaking sports convention matapos ang matagumpay na 3rd World Boxing Council (WBC) Women’s Convention and Asian Summit noong nakaraang Nobyembre.