MAKAHULUGAN ang ipinost ni Joshua Garcia sa kanyang Instagram Stories matapos kumalat ang balitang hiwalay na sina Bea Alonzo at Gerald Anderson nang dahil umano sa ex-girlfriend niyang si Julia Barretto.
Isang simpleng, “I’m mute,” ang naging pahayag ni Joshua na pinaniniwalaang konektado rin sa break-up nina Bea at Gerald. Ngunit ilang oras lang ang nakalipas ay burado na ang post ng aktor sa IG.
Bukod dito, isa rin si Joshua sa mga nag-like sa IG post ni Bea tungkol sa panloloko ng isang taong malapit sa kanya. Hindi man niya binanggit ang pangalan ni Gerald, naniniwala ang mga netizens na para ito kay Gerald.
Sa isa pang IG post ni Joshua, makikita ang screenshot ng isang eksena mula sa Spanish TV series na Money Heist kung saan makikitang magkayakap ang isang babae at lalaki, na may nakasulat na, “You will move on to someone better than me.”