Duterte napakanta matapos ang Sona

NAPAKANTA si Pangulong Duterte pagkatapos ng kanyang State of the Nation Address kagabi.

Kinanta ni Duterte ang bahagi ng kantang “Ikaw” sa saliw ng Philippine Harmonic Orchestra.

Nadaanan ni Duterte ang orchestra na nakapuwesto sa labas ng main lobby ng Plenary Hall. Hindi naipasok sa loob ang orchestra dahil sa kakapusan ng espasyo.

Hindi roon nagtapos ang kanyang pagkanta at humirit ito ng isa pa.

Sumunod niyang inawit ay ay “Moon River”.

Nasabi pa ni Duterte kay Sen. Bong Go na sana ay maimbitahan ang ilan sa mga miyembro ng orchestra.

Tinugtog din ng orchestra ang kantang Ipaglaban Mo at pagkatapos ay umalis na ang Pangulo.