P113M jackpot nasungkit sa Taguig

ISANG mananaya sa Taguig ang tumama ng P113 milyong jackpot prize ng Mega Lotto 6/45 sa bola Miyerkules ng gabi.

Ayon sa Philippine Charity Sweepstakes Office ang naka-jackpot ay tumaya sa Sunshine Mall, FTI Taguig.

Isa lang ang nakakuha sa winning number combination na 11-45-08-43-25-33.

Nanalo naman ng tig-P29,690 ang 52 mananaya na nakakuha ng limang numero. Tig-P550 naman ang 2,207 mananaya na nakaapat na numero at balik ang P24 taya ng 35,342 mananaya na nakatatlong numero.