P100M jackpot sa Mega Lotto

INAASAHANG tatawid na sa P100 million mark ang jackpot prize ng Mega Lotto 6/45 sa bola nito sa Lunes.

Ito ay matapos na hindi tamaan ang winning number combination na 09-10-05-39-41-35 sa bola noong Biyernes ng gabi. Umabot sa P99.340 milyon ang jackpot prize nito.

Nanalo naman ng tig-P50,000 ang 25 mananaya na nanakuha ng limang numero. Tig-P800 naman ang 1,392 mananaya na nakaapat na numero at balik ang P24 taya ng 26,731 mananaya na nakatatlong numero.

Ang Mega Lotto ay binobola tuwing Lunes, Miyerkules at Biyernes.