Camille Prats nanganak na: It’s a bouncing baby boy

NANGANAK na ang Kapuso TV host-actress na si Camille Prats kahapon.

Isang healthy baby boy ang isinilang ni Camille kahapon ng umaga at ibinandera nga niya ang good news sa kanyang fans and followers sa pamamagitan ng Instagram.

Nag-post agad ang host ng Kapuso morning show na Mars Pa More sa IG ng litrato ng bagong silang na anak nila ng asawang si VJ Yambao na pinangalanan nilang Baby Nolan.
Caption ni Camille sa kanyang IG post, “Hello world! Meet Nolan Cristiano Prats Yambao, born on July 10,2019 at 7:27am weighing 7.5 lbs.”

Bumaha naman ng pagbati sa IG comments’ section ng post ni Camille mula sa kanyang mga kaibigan in and out of showbiz, kabilang na sina Chariz Solomon, Lovely Abella, Rochelle Pangilinan, Krista Ranillo at marami pang iba.

Kung matatandaan, last December in-announce nina Camille at VJ na magkakaroon uli sila ng baby.

Noong 2017, ipinanganak ni Camille ang second child niyang si Nala. Ang paganay niyang anak na si Nathan ay anak naman niya sa kanyang late husband na si Anthony Linsangan.

Read more...