Jackpot ng Mega Lotto aabot na ng P100M

LUMAPIT sa P100 million mark ang jackpot prize ng Mega Lotto 6/45.

Hindi tinamaan ang P93.2 milyong jackpot prize ng Mega Lotto sa bola noong Miyerkules ng gabi kaya lalo pa itong lalapit sa P100 million mark sa bola nito sa Biyernes.

Ang lumabas na winning number combination sa huling bola ay 13-39-08-36-06-32.

Nanalo naman ng tig-P50,000 ang 26 mananaya na nakakuha ng limang numero.

Tig-P810 naman ang 1,332 mananaya na nakaapat na numero at balik ang P24 taya ng 23,962 mananaya na nakatatlong numero.

Ang Mega Lotto ay binobola tuwing Lunes, Miyerkules at Biyernes.