Janine, Paulo bagong loveteam sa pelikula

ANG Kapamilya actor na si Paulo Avelino ang “bagong lalaki” ngayon ng Kapuso bida-contravida na si Janine Gutierrez.

After na pag-agawan nina Tom Rodriguez at Edgar Allan Guzman sa Kapuso series nilang The Dragon Lady, si Paulo naman ang makakasama niya sa isang napakalaking project.

Yes, magsasama sa isang movie sina Paulo at Janine sa bagong movie ng T-Rex Entertainment na ang title ay “If We Don’t Make It.”

Nagkaroon ng announcement conference ang movie the other day na ididirek ni Prime Cruz. At least, nagtuluy-tuloy pa rin ang paggawa ng pelikula ng T-Rex na isa sa bagong producers na mahal ng entertainment press.

Kung ano ang tema at mga role nina Janine at Paulo sa pelikula, yan ang ibabalita namin sa inyo sa next issue.