Ji Sung bibida uli sa medical drama series na ‘Doctor John’
JI SUNG
Muli nang mapapanood ang Korean superstar na si Ji Sung sa upcoming medical drama na Doctor John.
Kamakailan ay isinagawa ang first script reading ng bagong K-series ni Ji Sung, kasama ang iba pang cast members kabilang ang actress na si Lee Se Yung at actor na si Lee Kyu Hyung.
Kwento ang Doctor John ng mga doktor na nakatalaga sa pain management. Ibabahagi rito ang mga paghihirap na nararanasan ng mga pasyenteng may mga malalang sakit.
Gaganap si Ji Sung bilang isang genius doctor na si Cha Yo Han, ang pinakabatang anesthesiology professor. Tinawag ang karakter dito ni Ji Sung na “Ten Seconds,” dahil kaya niyang malaman ang kondisyon ng isang pasayente sa loob lamang ng 10 segundo.
Isang resident anesthesiologist naman ang role ni Se Young, samantalang isang prosecutor naman ang role ni Kyu Hyung. Nakatakdang magsimulang umere ang Doctor John sa Hulyo 19.
Kabilang sa mga hit drama ni Ji Sung ay ang All In (2003), Save the Last Dance for Me (2004), New Heart (2007), Protect the Boss (2011), Secret Love (2013), Kill Me, Heal Me (2015), Innocent Defendant (2017), Familiar Wife (2018), at ang pelikulang My PS Partner (2012).
Samantala, napanood naman si Se Yung sa The Gentlemen of Wolgyesu Tailor Shop, Hit the Top, A Korean Odyssey, at The Crowned Clown.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.