Tekla sasabak uli sa matinding drama sa ‘MPK’

Magdadrama naman ang komedyanteng si Super Tekla sa episode ng Magpakailanman bukas, Sabado, para sa “Lotto Winner Naging Loser” episode.

Naisabuhay na sa MPK ang kuwento ng buhay ni Super Tekla at nagdrama rin siya roon. But this time, mas matinding aktingan ang kinaharap niya dahil ang nakapanghihinayang naman na life story ng isang lotto winner ang kanyang isasabuhay.

Makakasama niya sa episode na ito sina Ian de Leon, Vaness del Moral at Dexter Doria.

Pero siyempre, sa Sunday ng gabi, sa The Boobay And Tekla Show makakasama naman nina Tekla at Boobay ang hot pair ng The Better Woman na sina Derek Ramsay at Andrea Torres.