APAT na hinihinalang drug pusher ang napatay sa magkakahiwalay na buy-bust operation sa lalawigan ng Laguna, Miyerkules ng madaling-araw.
Napatay sina Renato Norvaez at Andrew Diatao nang makipagbarilan sa mga opeatiba sa Brgy. Bucal, Calamba City, dakong alas-2, ayon sa ulat ng Calabarzon regional police.
Nakutuban umano ng dalawa na pulis ang ka-transaksyon, kaya nagpaputok.
Ilang minuto bago ito, dakong ala-1:40, napatay si Roberto Patricio nang makipagbarilan sa mga pulis na nag-buy bust sa Camella Homes, Bermuda, Brgy., Banlic, Cabuyao City.
Nakuhaan siya ng kalibre-.38 revolver, isang sachet ng hinihinalang shabu, at P500 na buy-bust money.
Dakong alas-12, napatay din ang isang alyas “Meng” sa buy-bust sa Brgy. Nueva, San Pedro City.
Nakuhaan siya ng isang sachet ng shabu at kalibre-.45 pistola.