EDDIE GARCIA
PANGUNGUNAHAN ni 1-Pacman Party List Rep. Mikee Romero ang pagpa-file ng resolution sa pagbubukas ng 18th Congress na ideklarang National Artist for Films ang stepfather niyang si Eddie Garcia.
Pagdating sa Senado, magtutulung-tulong naman ang mga senador na sina Lito Lapid at Senate President Tito Sotto upang isulong ang kahalintulad na resolusyon bilang pagkilala sa natatanging contribution ni Manoy sa showbiz industry.
Mas maraming pabor sa showbiz sa hakbang na ito nina Rep. Mikee at Sen. Lapid at Sen. Sotto kahit na nga namayapa na ang veteran actor dahil sa maraming kontribusyon nito bilang actor at director.
Wala rin siyang masyadong naging kontrobersya nu’ng nabubuhay pa siya at napanatili ang magandang imahe kahit na nagkokontrabida lagi sa telebisyon at pelikula.
Ang tanong, kailan naman kaya magkakaroon ng katuparan ang sigaw ng mga taga-showbiz tungkol dito?