Alden agaw-eksena sa Mobile Legends Bang Bang SEA Cup

NAKAW-EKSENA ang presence ni Alden Richards sa ginanap na Mobile Legends event nitong weekend sa Araneta Coliseum.

Ginawa sa Big Dome ang event na “Mobile Legends: Bang Bang South East Asia Cup” na dinaluhan ng daan-daang online gamers at siyempre ng mga adik sa ML.

Hindi naman sumabak si Alden sa kahit anong laban, sinuportahan lang niya ang mga kaibigang sumali sa event. Eh, fanatic player din ang Pambansang Bae ng ML na siyang trip laruin ng mga millennial ngayon.

After ng event, dinala ni Alden ang mga kaibigang lumahok sa nasabing elite tournament (multi-player online battle arena) sa Concha’s para sa i-treat ng dinner.