VICE GANDA AT ION PEREZ
Winner na winner sa madlang pipol ang latest vlog ni Vice Ganda sa YouTube kung saan sumabak sa nakakalokang Q&A portion ang ilan niyang kasamahan sa It’s Showtime.
Unang tinanong ng Unkabogable Star sina Ate Girl Jackque Gonzaga, Stephen Robles, Miss Q&A former contestant Brenda Mage at saka niya isinunod ang rumored boyfriend niyang si Kuya Escort Ion Perez.
Sunud-sunod ang mga nakakalokang tanong ni Vice sa kanyang mga co-hosts.
Kabilang sa mga pasabog na question ni Vice sa mga taga-Showtime na tinawag niyang “Kuryentanong”:“Nag-feminine wash ka ba?” “Nag-toothbrush ka ba kanina?” “Nagsasabon ka ba ng puwet pagkatapos ‘umerna’?”
After sumagot nina Ate Girl, binalingan naman ng TV host-comedian si Ion. Tilian at talagang kinilig ang followers ni Vice sa mga pasabog niyang tanong kay Kuya Escort.
“Daks ka ba?” “May ina-awrahan ka bang bakla sa Wardrobe?” ang ilan sa mga question ni Vice kay Ion na pabiro pang nagtampo kunyari sa binata.
Nag-end ang vlog ni Vice sa tanong niya kay Ion na “Mahal mo ba ako?” na diretsong sinagot ng binata ng malutong na “Yes!”